Cherta dla familia 2023

La cherta dla familia possen jì a tò tl ufize dal populazion dl Chemun de Sëlva, dal lunësc al vënderdi, dala 08.15 inant nchin ala 12.15.

N cunlaurazion cun butëighes, ustaries y uties à l chemun de Sëlva metù a ji la scumenciadiva dla cherta dla familia cun l fin de ti unì ncontra ala families. Ntan l ann puderan se nuzé de chësta cherta per giapé n rebás tla butëighes y ustaries dl luech. Sun la cherta, che à l format de na cherta de credit, iel scrit su duc i cumpunënc dla familia, a chësta maniera iela persunela y ne possa nia unì data inant. Uni familia cun almanco un n/na mut/a sota 18 ani à la rejon de giapé la cherta dla familia.

L Chemun de Sëlva, debrieda cun la butëighes y ustaries dl luech, spera de sustenì la families cun chësta scumenciadiva.

17/01/2023