Ulà y can muessi pa mëter ora l chibl?
L chibl ie da mëter ora stlut la sëira dan che l vën jetà ora, dlongia la streda chemunela te na luegia ulache n l veija bel snel.
Posi pa mëter ora l chibl la sëira dant?
N cunsiëia de mëter ora i chibli bele l di dan che vën jetei ora, chël uel di de juebia, plu tert che la va per rejons de estetica urbana. Te uni cajo iel da mëter ora l chibl dan la 06:00 da duman dl di de abinea, davia che l turnus de lëur scumëncia da chël’ëura.
Muessi pa mëter ora l chibl per l’abineda uni ena?
No. L ie cunsià mëter ora l chibl me canche l ie plën.
Posi pa mo adurvé l pitl cëst de lën cun i sachetli adurvei nchin a sën?
L vën scialdi cunsià de adurvé inant l cëst de lën cun l pitl sach che se desfej biologicamënter per l’abineda dl refudam organich te cësa. Canche l sach ie plën, l possi smaché tl chibl da 25 litri, nce chësc à n sach che se desfej biologicamënter.
Ula possi pa cumpré i sac che se desfej biologicamënter?
I pitli sac che se desfej biologicamënter per l cëst de lën possen inant to te Chemun. L sach che se desfej biologicamënter per l chibl “ros” da 25 litri unirà baratà do uni jetamënt, da pert dla firma nciariëda per l’abineda dl refudam, cun n nuef che unirà metù ite tl chibl.
Tenì l refudam organich te cësa per plu dis cumporta stlec tofes, co pon pa fé?
Sce l vën adurvà sciche l se toca, schivea l kit per l organich la furmazion de stlet tofs, davia che l’adurvanza cunlieda dl sach che se desfej biologicamënter y dl cëst de lën, cunsënt l’evaporazion dla cundens y de cunseguënza la reduzion dl volum dl refudam organich y di tofes.
Ei metù ora regularmënter l chibl ma l ne ie nia unì jetà ora y l ne ie degun avis che me spiega la gaujia, cie muessi pa fé?
L abineda vën fata generalmënter da duman, ma te vel caji de ezezion possa l’abineda nce ji inant domesdi. Sce n ie dla minonga de avëi metù ora sciche l se toca l chibl y l ie nia unì jetà ora pona iel drët l fé al savëi al Chemun.
Cie muessi pa fé sce l chibl se romp?
I chibli vën dac ora debant, perchël muessa uni utënt i adurvé cun cura. Sce l se ëssa per cajo da se rumpí possen fé dumanda de sostituzion al Chemun. Tl mumënt canche n vën a to l nuef chibl muessen dé ju l chibl rot.
